அதிமுக நெருக்கடி: ஓபிஎஸ் மற்றும் இபிஎஸ் நடத்தும் தனித்தனி சந்திப்புகள் – என்ன நடக்கிறது?


  • பிரமிளா கிருஷ்ணன்
  • பிபிசி தமிழ்

அதிமுக - ஒற்றை தலைமை விவகாரம்

பட மூலாதாரம், ADMK

அதிமுகவில் ஒற்றைத் தலைமை குறித்த விவாதம் அந்தக் கட்சியின் பொதுக்குழுக் கூட்டத்தில் பெரிய விவகாரமாக எழும் என்பது வெளிப்படையாகத் தெரிந்துவிட்டது. வரும் ஜூன்23ம் தேதி சென்னையில் நடைபெறவுள்ள பொதுக்குழுவில் நிறைவேற்றப்பட வேண்டிய தீர்மானங்களை இறுதி செய்வதற்கான பணிகள் முழு வீச்சில் நடந்து வருகின்றன.

இதன் தொடர்ச்சியாக ஞாயிற்றுக்கிழமை அக்கட்சியின் முக்கிய தலைவர்கள் கட்சி தலைமை அலுவலகத்தில் கூடியுள்ளனர். இதேவேளை அதிமுக ஒருங்கிணைப்பாளர் ஓ.பன்னீர்செல்வம் மற்றும் இணை ஒருங்கிணைப்பாளர் எடப்பாடி பழனிசாமி இருவரும் தனித்தனியாக தங்களுடைய வீடுகளில் ஆதரவாளர்களுடன் பேசி வருகிறார்கள்.

இந்த நிலையில் முன்னாள் அமைச்சர் சிவபதி, எடப்பாடி பழனிசாமி ஒற்றைத் தலைமை பொறுப்பை ஏற்க அதிமுக இளைஞரணி ஆதரவு தெரிவிப்பதாக முன்னாள் அமைச்சர் சிவபதி கூறியுள்ளார். எம்.ஜி.ஆர். அணி நிர்வாகிகளும் பழனிசாமியை நேரில் சந்தித்து ஒற்றைத் தலைமை பொறுப்பை ஏற்க வலியுறுத்தியுள்ளோம் என்றும் கூறினார்.

இபிஎஸ் இல்லத்திற்கு வந்திருந்த முன்னாள் அமைச்சர் சிவபதி, ஒற்றை தலைமைதான் கட்சிக்கு தேவை என்றும் அதற்கு ஓபிஎஸ் ஒத்துப்போவது நல்லது என்றும் வெளிப்படையாக பேசினார்.



Source link

Leave a Reply

Your email address will not be published.