சிதம்பரம் நடராஜர் கோயில் சிற்றம்பல மேடையில் தேவாரம், திருவாசகம் பாட அனுமதி: தமிழ்நாடு இந்து அறநிலையத்துறை ஆணை


  • நடராஜன் சுந்தர்
  • பிபிசி தமிழுக்காக

கோபுரம்

சிதம்பரம் நடராஜர் கோயில் சிற்றம்பல மேடை மீது ஏறி தேவாரம் திருவாசகம் பாட பக்தர்களை அனுமதிக்கவேண்டும் என்று இந்து சமய அறநிலையத் துறை உத்தரவு பிறப்பித்துள்ளது.

கனக சபை என்று குறிப்பிடப்படும், சிற்றம்பல மேடை மீது ஏறி பக்தர்கள் வழிபட தமிழக அரசு அனுமதி அளித்த நிலையில், மேடை மீது வழிபட வரும் பக்தர்கள் தமிழில் திருமுறைகள் பாட தீட்சிதர்கள் அனுமதி மறுப்பதாக புகார் வந்ததை அடுத்து இந்து சமய அறநிலையத்துறை ஆணையர் இந்த உத்தரவை பிறப்பித்துள்ளார்.

சிற்றம்பல மேடை மீது பக்தர்கள் ஏறுவதற்கு கடந்து இரண்டு ஆண்டுகளாக தீட்சிதர்கள் அனுமதிக்கவில்லை.

“சிற்றம்பல மேடை மீது நிற்கும் பக்தர்களால் கீழே தரிசனத்துக்கு நிற்கும் பக்தர்களுக்கு இடையூறு ஏற்படுவதால், அடிக்கடி பிரச்னை வந்து கொண்டிருந்தது. மேலும் பணம் வாங்கிக் கொண்டு சிற்றம்பல மேடை மீது சிலரை மட்டும் அனுமதிப்பதாகவும், முக்கிய நபர்களை அனுமதிப்பதாகவும் தவறான சர்ச்சை எழுந்தது. இதனால் கோயிலுக்கு வரும் மக்கள் மற்றும் நிர்வாகத்தின் நலன் கருதி சிற்றம்பல மேடை மீது யாரையும் அனுமதிக்கக் கூடாது என்று முடிவெடுக்கப்பட்டது,” என சிதம்பரம் கோயிலை நிர்வகிக்கும் பொது தீட்சிதர்கள் தரப்பில் கூறப்பட்டது.



Source link

Leave a Reply

Your email address will not be published.