Free Video Downloader

இலங்கை கடற்படை தாக்குதலால் கண் பார்வை இழந்த தமிழக மீனவர்


 இலங்கை கடற்படை

ராமேஸ்வரம் மீன் பிடி துறைமுகத்தில் இருந்து மீன் பிடிக்க  சென்றபோது நடுக்கடலில் இலங்கை கடற்படையினர் படகில் ஏறி நடத்திய தாக்குதலில் வலது கண் நரம்பு பாதிக்கப்பட்டு தாம் முற்றிலும் கண் பார்வையை இழந்துள்ளதாக கூறுகிறார் தங்கச்சிமடம் மீனவர் ஒருவர்.

கண்பார்வை இன்றி தவிக்கும் தமக்கு அரசு உதவி செய்ய வேண்டும் என அந்த மீனவர் குடும்பத்துடன் கோரிக்கை வைத்துள்ளனர்.

ராமேஸ்வரம் மீன் பிடித்து துறைமுகத்தில் இருந்து கடந்த திங்கட்கிழமை காலை சுமார் 400க்கும் மேற்பட்ட விசைப்படகில் 5 ஆயிரத்திற்கும் மேற்பட்ட  மீனவர்கள் மீன் பிடிக்க கடலுக்கு சென்றனர்.

நடுக்கடலில் தாக்குதல்

கச்சத்தீவுக்கு தனுஷ்கோடிக்கும் இடையே மீனவர்கள் மீன் பிடித்து  கொண்டிருக்கும் போது அப்பகுதியில் ரோந்து பணியில் ஈடுபட்டிருந்த இலங்கை கடற்படையினர்  இலங்கை கடற்பரப்பிற்குள் அத்துமீறி நுழைய கூடாது என ஒலிபெருக்கி மூலம் எச்சரித்தார். இதனால் அப்பகுதியில் மீன் பிடித்துக் கொண்டிருந்த ராமேஸ்வரம் மீனவர்கள் நாளா புறமும் சிதறி ஓடினர்.



Source link

Leave a Reply

Your email address will not be published. Required fields are marked *