Free Video Downloader

டி20 கிரிக்கெட் உலக கோப்பை வீழ்ச்சி: மொத்த தேர்வுக் குழுவையும் கலைத்தது பிசிசிஐ


டி20 கிரிக்கெட் உலக கோப்பை

பட மூலாதாரம், CHETAN SHARMA

படக்குறிப்பு,

கோப்புப்படம்

ஆஸ்திரேலியாவில் நடந்த டி20 உலக கோப்பை போட்டியில் அரையிறுதியுடன் இந்திய அணி வெளியேறிய நிலையில், வீரர்களைத் தேர்வு செய்யும் சேத்தன் சர்மா தலைமையிலான ஒட்டுமொத்த தேர்வுக் குழுவை இந்தியக் கிரிக்கெட் கட்டுப்பாட்டு வாரியம் கலைத்திருக்கிறது.

முன்னாள் கிரிக்கெட் வீரர் சேத்தன் சர்மா தலைமையிலான இந்தக் குழுவில் மொத்தம் 4 பேர் அங்கம் வகித்தனர். சேத்தன் சர்மா தவிர ஹர்விந்தர் சிங் சுனில் ஜோஷி, தேபாசிஷ் மொஹந்தி ஆகியோர் இதில் இடம்பெற்றிருந்தனர்.

புதிய தேர்வுக் குழுவில் இடம் பெற விரும்புவோர் வரும் 28ஆம் தேதிக்குள் விண்ணப்பிக்கலாம் என பிசிசிஐ தனது இணையதளத்தில் அறிவித்திருக்கிறது. இதில் மொத்தம் 5 இடங்களுக்கு விண்ணப்பங்கள் வரவேற்கப்பட்டுள்ளன.

குறைந்தபட்சம் 7 டெஸ்ட் போட்டிகள், அல்லது 30 முதல் தர போட்டிகள், அல்லது 10 ஒருநாள் மற்றும் 20 முதல் தர போட்டிகளில் ஆடிய அனுபவம் இருக்க வேண்டும் என்று அந்த அறிவிப்பில் கூறப்பட்டிருக்கிறது.மேலும் 5 ஆண்டுகளுக்கு முன்பு அவர்கள் கிரிக்கெட்டில் இருந்து ஓய்வு பெற்றிருக்க வேண்டும்.



Source link

Leave a Reply

Your email address will not be published. Required fields are marked *