Free Video Downloader

கத்தார் கால்பந்து உலக கோப்பை 2022: சௌதி அரேபியாவின் அதிரடியில் திணறிய அர்ஜென்டினா


கத்தார் கால்பந்து உலகக் கோப்பை

பட மூலாதாரம், Getty Images

கத்தாரில் நடைபெற்று வரும் கால்பந்து உலக கோப்பை போட்டியில் தனது முதல் ஆட்டத்தில் அர்ஜென்டினா, சௌதி அரேபியாவிடம் 1-2 என்ற கோல் கணக்கில் தோல்வியடைந்தது. ஆரம்பத்தில் கரகோஷங்களுடன் தங்கள் அணியின் அதிரடியைப் பார்க்க ஆவலோடு இருந்த ரசிகர்களின் முகங்கள் ஆட்ட இறுதியில் வாடிப் போயிருந்தன.

லொசைல் மைதானத்தில் மெஸ்ஸி நுழைந்தபோது அர்ஜென்டினா ரசிகர்கள் கரகோஷங்களுடன் தங்களது அணியை வரவேற்றனர். அவர்களுக்கு நிகராக போட்டி போட்டுக்கொண்டு சௌதி அரேபிய அணியின் ரசிகர்களும் கோஷமிட்டு ஆட்டத்தைத் தொடக்கி வைத்தனர்.

உலகக் கோப்பையின் இறுதி ஆட்டம் நடக்கவுள்ள இடத்திலேயே அர்ஜென்டினா தனது 36 ஆண்டுகால கனவை அடைவதற்கான முதல் ஆட்டத்தைத் தொடங்கியது.

ஆட்டம் தொடங்கிய மூன்றாவது நிமிடத்திலேயே மெஸ்ஸி இறங்கி ஆடி கோல் அடிக்க முயன்றார். ஆனால் சௌதி அணியின் கோல் கீப்பர் முகமது அல் ஒவைஸ் மெஸ்ஸி அடித்த பந்தைத் தடுத்து நிறுத்தினார்.



Source link

Leave a Reply

Your email address will not be published. Required fields are marked *